... so jetz seid`s doch tatsächlich auf meiner Internetseitn g`land - ja des Leb`m spielt Oan oft an grausamen Streich.

Griaß Euch und herzlich wilkommen auf meiner Houmpätsch.

 

Wenn`s Ihr amol wos Anders suachts wia des ewige loadige Gedudel aus so an Festplattn-Keyboard, nacha seid`s bei mir genau richtig. 

 

Wenn`s Ihr auf a ehrliche traditionelle und urig krachende live gespielte Musik abfahrts, die dann a no lieblich schallend und an der Schmerzgrenze des Erträglichen durch meine Gesangeskunst untermalt werd, nacha bin I genau der, den`s Ihr suachts.  :-D  

 

Zu meiner Person. I bin da Dieter und bin ein armer mitleidenswerter und net grod sehr beliebter Bettlmusikant der leidenschaftlich gern auf seiner Steirischen Harmonika spielt. Und do is mir Wurscht ob`s de Leut g`fallt oder net. Do kenn i nix. Do miaßn`s durch - guad, I wechselt ab und zu  mein Wohnort, owa des is a andere G´schicht.  

I mach seit über 20 Jahren Musik und hob scho so manches Instrument gemartert und gequält. Irgendwie bin I dann vor über 10 Jahr bei der Ziach gelandet, und wia`s da Deife will, hob i de bis heut no net kapput griagt. Is halt a Qualitätsprodukt.  

Und jetz muaß i quasi des Trumm weidaspieln. Ja wos bleibt mir denn Anders übrig. Irgendwie muaß I doch zu an warmen Essn und wos zum Dringa (am liabst`n an guad gekühlten Hopfenblütentee) kemma. Owa ansonst`n geht`s ma guad.   

 

Jetz werd`s Euch bestimmt denga, wos will er uns jetz do damit sog`n.  

I sog`s Euch wias is, i woaß ja selber net.

Owa wenn`s Ihr eventuell vielleicht irgendwie für Euere Veranstaltung an Musikant`n wia mi braucha könnt`s, nacha denkts an den armen bedürftigen .........

 

I spiel auf  Veranstaltungen wia 

 

- Biergartenfeste  

- Hauskirwa

- Geburtstagsfeiern

- Sommernachtsfeste  

- Brautentführungen

- Bayerische Abende

- u.s.w.

 

ACHTUNG: I spiel Euch Alles, owa bitte KEINE SCHEIDUNGEN mehr - weil do gibts allerweil nix zum Essn !!! 

 

.....  und wenn Euch des no net obgschreckt hod, nacha werft`s doch einfach no an Blick rei in mei Houmpätsch ...... 

 

Schene Griaß

Dieter 

Der Harmonikant 

 

.

 

 ...... ah übrigens:

Wenn`s den Oan oder Anderen vielleicht interessiert, I spiel ausschließlich auf Harmonikas der Firma Müller. De baun nämlich sauguade Instrumente zu an Preis, der echt in Ordnung is.  

Und wenn ma a Anliegen hod, habm`s a ein offenes Ohr.

Vielen Dank nochmal an die Firma Müller für die Bereitstellung des Bildmaterials.

 

Und wer mol a Ziach braucht, der konn ja wenn er will dort vorbeischaun